Գերատեսչությունը ջանք չի խնայելու զինծառայության, մարտական հերթապահության կրման պայմանները բարելավելու համար. Սուրեն Պապիկյան
Շարունակվում է ՀՀ պաշտպանության նախարար Սուրեն Պապիկյանի այցը հանրապետության N զորամիավորում:
Մարտի 24-ին ՀՀ պաշտպանության նախարարն այցելել է մարտական հերթապահություն իրականացնող զորամասի ստորաբաժանումներից մեկի մշտական տեղակայման վայր:
Սուրեն Պապիկյանը ներկա է գտնվել մարտական հերթափոխի համար շարված անձնակազմին մարտական դիրքեր ճանապարհելու արարողությանը:
Նախարար Պապիկյանն իր ելույթում անվտանգ ծառայություն է մաղթել հերթափոխի մեկնող զինծառայողներին, վստահեցնելով, որ գերատեսչությունը ջանք չի խնայելու զինվորական ծառայության, մարտական հերթապահության կրման, զինծառայողների սոցիալական պայմանները բարելավելու համար:
Կարծիքներ