Արտաշատում բացվել է անմահացած եզդի քաջորդիների հիշատակը հավերժացնող հուշաքար
Այսօր Արտաշատ քաղաքում՝ Սուրբ Հովհաննես եկեղեցու հարևանությամբ գտնվող գլխավոր ճանապարհի հարակից տարածքում, տեղադրվել է Արցախյան հերոսամարտի, 2016 թվականի Քառօրյա և 2020 թվականի 44-օրյա պատերազմներում անմահացած եզդի քաջորդիների հիշատակը հավերժացնող հուշաքարը։
Այս մասին «Ֆեյսբուք»-ի իր էջում տեղեկացնում է Եզդիների ազգային միության նախագահ Խդր Հաջոյանը։
Հուշաքարի բացմանը մասնակցել են Արտաշատ խոշորացված համայնքի ղեկավար Կառլեն Մկրտչյանը, հոգևոր առաջնորդ շեխ Բրո Հասանյանը, եզդի ազատամարտիկները։
Հուշաքարը տեղադրվել և տարածքը բարեկարգվել է բելառուսաբնակ եզդի գործարար Սուրեն Մայիսի Ամոյանի միջոցներով։
Գրառման մեջ նաև ասված է․
«Հավերժ փառք հայրենիքի պաշտպանության ընթացքում հերոսաբար զոհված մեր բոլոր քաջորդիներին»։
Կարծիքներ