Վրաստանում այսօր 3 երկրաշարժ է տեղի ունեցել

Արևմտյան Վրաստանում այսօր միանգամից երեք երկրաշարժ է գրանցվել, հայտնում է Սեյսմիկ մոնիտորինգի ազգային կենտրոնը։

Առաջին երկրաշարժը գրանցվել է Թբիլիսիի ժամանակով 05:18-ին՝ Օզուրգեթի քաղաքից երկու կիլոմետր հեռավորության վրա, ուժգնությունը կազմել է 3,6 մագնիտուդ։

Հետցնցումներ գրանցվել են ժամը 06:27-ին Գոմիս Մթա հանգստավայրից 4 կմ, Օզուրգեթիից 14 կմ հեռավորության վրա,  ուժգնությունը եղել է 3.0 մագնիտուդ:

Երրորդ երկրաշարժի էպիկենտրոնը եղել է Չոխատաուրիի շրջանի Բուկնարի գյուղում։ Երկրաշարժի ուժգնությունը կազմել է 3,1 մագնիտուդ։ Երկրաշարժի միջուկը բոլոր երեք դեպքերում գտնվել է 10 կմ խորության վրա։

Զոհերի կամ ավերածությունների մասին տեղեկություններ չկան: