Հյուսիսային Կորեան քննադատել է Ավստրալիայի, Մեծ Բրիտանիայի և ԱՄՆ-ի պաշտպանական նոր միությունը
Ատոմային սուզանավերի ստեղծման համար Ավստրալիային տեխնոլոգիաներ փոխանցելու ԱՄՆ-ի որոշումը չափազանց վտանգավոր քայլ է, որը կարող է հրահրել աշխարհում միջուկային սպառազինությունների մրցավազք։ Այս մասին ասվում է Հյուսիսային Կորեայի ԱԳՆ ներկայացուցչի մեկնաբանությունում, փոխանցում է TASS-ը։
Նրա խոսքով՝ Ավստրալիայի, Մեծ Բրիտանիայի և ԱՄՆ-ի պաշտպանական նոր միությունը կխախտի ռազմավարական հավասարակշռությունն Ասիախաղաղօվկիանոսյան տարածաշրջանում։ Նա նշել է, որ Փխենյանում ուսումնասիրում են Վաշինգտոնի այդ որոշման նախապատմությունը։
«Ներկա իրավիճակը կրկին ցույց է տալիս, որ երկարաժամկետ հեռանկարում պաշտպանական հնարավորությունների մեծացումը պետք է շարունակվի, որպեսզի մենք պատրաստ լինենք գլոբալ անվտանգության ոլորտում նման կտրուկ փոփոխությունների»,-հավելել է դիվանագետը։
Կարծիքներ