Կրասնոյարսկի երկրամասում վթարի հետևանքով երեք մարդ է մահացել
Կրասնոյարսկի մերձակայքում միկրոավտոբուսի և MAZ բեռնատարի բախման հետևանքով երեք մարդ է զոհվել։ ՏԱՍՍ-ի հաղորդմամբ՝ այդ մասին հայտնել է ՆԳՆ շրջանային ղեկավարը։
«Նոյեմբերի 12-ին, ժամը 01.20-ին Կրասնոյարսկ-Ենիսեյսկ ճանապարհի 67-րդ կմ-ին «ՄԱԶ» մակնիշի բեռնատարը բախվել է «Մերսեդես» մակնիշի միկրոավտոբուսին, որը շարժվում էր Նույն ուղղությամբ։ «Մերսեդես»-ի երեք ուղևորներ ստացած վնասվածքներից տեղում մահացել են»,- ասվում է հաղորդագրության մեջ։
Գերատեսչության տվյալներով՝ միկրոավտոբուսում հինգ մարդ է եղել, երկուսը չեն տուժել։
Վթարի վայրում աշխատում է քննչական և օպերատիվ խումբ։
Կարծիքներ