Արագածոտնում բախվել են BMW-ն ու «Մոսկվիչը». «Մոսկվիչը» բախվել է գազատարին, BMW-ն էլ՝ բազալտե հենապատին. կան վիրավորներ

Արագածոտնի մարզում երեկ՝ հունվարի 28-ին ժամը 15:00-ի սահմաններում Արմավիր-Գյումրի ավտոճանապարհի Արագածավան գյուղի վարչական տարածքում գտնվող գազալցակայանի մոտ բախվել են Արմավիրի մարզի բնակիչներ, 41-ամյա Հրայր Ավետիսյանի վարած BMW մակնիշի եւ 40-ամյա Մնացական Քոչարյանի վարած Մոսկվիչ մակնիշի ավտոմեքենաները:

Shamshyan.com-ի հաղորդմամբ՝ վթարի հետեւանքով Մոսկվիչը դուրս է եկել երթեւեկելի գոտուց, բախվել գազատար խողովակին, BMW-ն էլ դուրս է եկել երթեւեկելի գոտուց եւ բախվել բազալտե հենապատին:

Վթարի հետեւանքով Հ. Ավետիսյանն ու նրա ուղեւորներ, Արմավիրի մարզի բնակիչներ, 51-ամյա Բաբկեն Մինասյանը, 73-ամյա Զվարթ Մինասյանն ու 44-ամյա Գայանե Մինասյանը մարմնական վնասվածքներով տեղափոխվել են «Թալին» բժշկական կենտրոն: