Բոլոր ինձ կոչ անողներին կոչ եմ անում նույն խանդավառությամբ ինձ հետ միասին գալ սահմանային գոտի, շատ գործ կա.

Աժ «Քաղաքացիական պայմանագիր» խմբակության պատգամավոր, պաշտպանության և անվտանգության մշտական հանձնաժողովի անդամ Վիլեն Գաբրիելյանը ֆեյսբուքյան իր էջում անդրադարձել է իրեն ուղղված կոչերին այն մասին, թե ինչու՞ ինքը չի մեկնում սահման:

Գաբրիելյանը գրել է, որ նման բան չէր անի, եթե չլինեին իրեն ուղղված հասցեական կոչերը, ինչպին ի պատասխան հայտնում է.

«Այսօր օրվա երկրորդ կեսին աշխատանքային պարտադիր պարտականություններս ավարտվում է ԱԺ նիստերի օրակարգի սպառման հետ միասին: Ես ինչպես միշտ գնալու եմ այնտեղ որտեղ որ պիտի լինեմ, քանզի բազմաթիվ կարևոր անելիքներ կան:

Բոլոր ինձ կոչ անողներին կոչ եմ անում նույն առոգանությամբ և խանդավառությամբ գրառմանս տակ + դնել, գնալու ենք իրար հետ սահմանային գոտի, լիքը գործ կա, առնվազն բարոյահոգեբանական առումով:

հ.գ. հա չմոռանամ, չհասկացա այդ ինչ մեր տուն գալու թեմա է, բայց միշտ դռները բաց են, առնվազն մաման ու տատին միշտ տանն են, ամենահամով պանրով բուլոչկաները և տաք թեյը անսպառ, օրերով կպահենք:

Հասցե՝ ք.Երևան, Էմինեսկու 2-րդ փ, տ.19: Համեցե՜ք.

Շնորհակալություն ուշադրության համար»: