Փարիզում Պոմպիդուի հայտնի կենտրոնը երեք տարով կփակեն

Փարիզի կենտրոնում գտնվող հայտնի Պոմպիդուի կենտրոնը 2023-2026 թվականներին փակ կլինի վերանորոգման համար, հայտնում է CNN-ը:

Այնտեղ է գտնվում Ժամանակակից արվեստի ազգային թանգարանը, որը կարող է հպարտանալ աշխարհում ժամանակակից արվեստի ամենամեծ հավաքածուներից մեկով եւ դասվում է աշխարհի ամենաշատ այցելվող պատկերասրահների շարքին:

Բայց, չնայած իր ժամանակակից դիզայնին, շենքը քանդվելու նշաններ ունի, եւ այժմ այն պետք է փակվի՝ լիարժեք տեխնիկական սպասարկում իրականացնելու համար:

«Այս աշխատանքները Պոմպիդուի կենտրոնի ապագայի երաշխիքն են»,- հայտարարության մեջ ասել է կենտրոնի նախագահ Սերժ Լասվինը: «Խոսքը մեր գլուխգործոցը պահպանելու մասին է՝ շենք, որը 1977 թվականից էական վերանորոգման չի ենթարկվել»: