ՄԱԿ-ի Անվտանգության խորհրդի պատվիրակությունը կայցելի Մալի և Նիգեր
ՄԱԿ-ի Անվտանգության խորհրդի պատվիրակությունը հոկտեմբերի 22-26-ը կմեկնի Մալի և Նիգեր: Այս մասին ուրբաթ օրը մամուլի ասուլիսի ժամանակ հայտարարել է Անվտանգության խորհրդի նախագահ, Քենիայի մշտական ներկայացուցիչ Մարտին Կիմանին:
«Մենք նաև ուրախ ենք, որ հնարավորություն ընձեռեցինք ՄԱԿ-ի Անվտանգության խորհրդին կատարել իր առաջին ամբողջական այցը կորոնավիրուսային համաճարակի բռնկումից ի վեր: Կլինի այցելություն Սահելի շրջան»,- ասել է նա: «Մենք կայցելենք Մալի և Նիգեր Հոկտեմբերի 24-26-ը»,- հավելել է Կիմանին։
Ըստ մշտական ներկայացուցչի, Մալիում նախատեսվում են հանդիպումներ տարբեր շահագրգիռ կողմերի՝ իշխանության, քաղաքացիական հասարակության ներկայացուցիչների, ինչպես նաև երկիրը կայունացնելու ՄԱԿ-ի բազմակողմանի առաքելության հետ:
Նիգերում պատվիրակությունը կհանդիպի պետական պաշտոնյաների և այլ կարևոր դերակատարների հետ՝ գնահատելու տարածաշրջանում քաղաքական, տնտեսական և անվտանգության հարցերը: Օրակարգի թեմաներից մեկը կլինի Սահելի գոտում կլիմայի փոփոխության ազդեցությունը:
Կարծիքներ