Շրի Լանկայում պարետային ժամ է սահմանվել

Շրի Լանկայի իշխանությունները մայիսի 9-ին պարետային ժամ են սահմանել ամբողջ երկրում այն բանից հետո, երբ մայրաքաղաք Կոլոմբոյում բախումներ են տեղի ունեցել կառավարության կողմնակիցների և հակառակորդների միջև։ «Արմենպրես»-ի հաղորդմամբ՝ այս մասին գրել է Ինտերֆաքս-ը՝ վկայակոչելով The Hindustan Times-ի հնդկական հրատարակությունը:

Անկարգությունները ճնշելու համար ոստիկանությունը ստիպված է եղել արցունքաբեր գազ և ջրցան մեքենաներ կիրառել։ Մոտ 80 մարդ վիրավորվել է։

Հրատարակությունը նշում է, որ անկարգությունները տեղի են ունեցել նույնիսկ չնայած այն բանին, որ նախագահ Գոտաբայա Ռաջապակսան հայտարարել է վարչապետ Մահինդա Ռաջապակսային պաշտոնանկ անելու և անցումային կաբինետ ստեղծելու ծրագրերի մասին։

Իրավիճակը Շրի Լանկայում շատ ավելի է բարդացել երկարատև տնտեսական ճգնաժամի պատճառով։