Թրամփը հայտարարել է հանքային ռեսուրսների վերաբերյալ Ուկրաինայի հետ համաձայնագրի ձախողման մասին
ԱՄՆ նախագահ Դոնալդ Թրամփը մեղադրել է Ուկրաինային հազվագյուտ մետաղների մասին համաձայնագիրը խաթարելու մեջ, որը, ըստ ամերիկյան վարչակազմի, թույլ կտար վերադարձնել Կիևին աջակցելու համար ծախսված միջոցները։
«Մենք գործարք ունեցանք հազվագյուտ հողերի և իրերի վերաբերյալ, և նրանք խախտեցին այդ գործարքը երկու օր առաջ», - ասել է Թրամփը Մայամիում ներդրումային ֆորումի ժամանակ:
Իր ելույթում Թրամփը շարունակել է հարձակվել Ուկրաինայի նախագահ Վլադիմիր Զելենսկու վրա և ասել, որ ԱՄՆ-ը 350 միլիարդ դոլար է ծախսել Կիևին օգնության համար, սակայն, ի տարբերություն եվրոպական երկրների, դրա դիմաց ոչինչ չի ստացել։
«Մինչ ԱՄՆ-ը ոչինչ չի ստանում դրա դիմաց, նրանք հետ են ստանում իրենց գումարները», - ասաց նա:
Թրամփը Զելենսկուն անվանել է «բռնապետ» և պահանջել է արագ խաղաղության համաձայնագիր՝ երկիրը փրկելու համար։
Կարծիքներ