Երևան-Սևան ճանապարհին բախվել են 30-ից ավելի ավտոմեքենաներ, մի քանի կիլոմետրանոց խցանում է գոյացել
Այսօր՝ մարտի 20-ին, ճանապարհի մերկասառուցյի պատճատով խոշոր ու շղթայական ավտովթար է տեղի ունեցել Կոտայքի մարզում: Ժամը 11:50-ի սահմաններում Երևան-Սևան ավտոճանապարհի 44-րդ կմ հատվածում՝ դեպի Սևան ընթանալիս, մոտ 6 կմ երկարությամբ բախվել են 30-ից ավելի տարբեր մակնիշի ավտոմեքենաներ:
Shamshyan.com-ի փոխանցմամբ, ըստ նախանական տեղեկությունների՝ տուժածներ չկան, սակայն ժամանել են Հրազդանի բժշկական կենտրոնի շտապօգնության բրիգադները: Ժամանել են նաև ճանապարհային ոստիկանության, փրկարար ծառայության, հետաքննչական խմբերը:
Հրշեջ-փրկարարները այդ մի քանի կիլոմետրանոց հատվածը ճանապարհային ոստիկանների ու Հրազդանի բժիշկների հետ ոտքով շրջում են, անհրաժեշտության դեպքում հոսանքազրկում են ավտոմեքենաները, փակում բագազաբալոններն ու պարզում՝ վիրավորներ կան, թե՝ ոչ:
Ոստիկանությունը պարզում է վարորդների ինքնությունը, ժամանել են նաև մի քանի ապահովագրական ընկերությունների ներկայացուցիչներ:
Կարծիքներ