ԱՄՆ գլխավոր վարակաբանը կոչ է արել պատվաստվել վիրուսի մուտացիան դադարեցնելու համար

ԱՄՆ -ի վարակիչ հիվանդությունների գլխավոր մասնագետ Էնթոնի Ֆաուչին խոսել է պատվաստումների կարևորության մասին ՝ որպես կորոնավիրուսի դելտա շտամով վարակը կանխելու  միջոց: Հաղորդում է Газета.ру-ն՝ հղում կատարելով USA Today-ին:

«Եթե դուք դառնաք վիրուսակիր և վարակեք ուրիշներին, ապա կօգնեք որպեսզի տարածվի այն: Համոզմունք կա, որ վիրուսը չի կարող մուտացիայի ենթարկվել, եթե այն չվերարտադրվի», - ասել է նա:

Համաճարակաբան, բժշկական գիտությունների դոկտոր, պրոֆեսոր Նիկոլայ Մալիշևը նախազգուշացրել է երեխաների շրջանում կորոնավիրուսի ակտիվ տարածման հնարավորության մասին: Երեխաների մոտ կորոնավիրուսային վարակի հնարավոր բռնկումներից խուսափելու համար անհրաժեշտ է հնարավորինս շուտ պատվաստել մեծահասակներին: Մալիշեւի խոսքով ՝ պատվաստված անձը կարող է իր միջավայրում փրկել մինչեւ երեք մարդու:

Ինֆեկցիոն բժիշկ Եվգենի Տիմակովը համաձայնել է իր գործընկերոջ հետ և հիշեցրել, որ ցանկացած վիրուսի էվոլյուցիան նպատակ ունի սովորել, թե ինչպես վարակել հնարավորինս շատ մարդկանց: