Սաուդյան Արաբիան մտադիր է հաշտվել Կատարի հետ` Բայդենի վարչակազմին «տպավորելու» համար

Սաուդյան Արաբիան մտադիր է իր դաշնակիցներից ավելի արագ հաշտվել Կատարի հետ` փորձելով տպավորություն թողնել Բայդենի նոր վարչակազմի վրա, հաղորդում է Reuters-ը` վկայակոչելով աղբյուրները:

Մերձեցումը նվազեցնում է Ռիադի եւ ԱՄՆ կառավարության միջեւ տարաձայնությունների պոտենցիալ աղբյուրները, որոնք անկասկած ավելի մեղմ կլինեն, քան հեռացող նախագահ Դոնալդ Թրամփը, ով հետեւողականորեն պաշտպանում էր թագավորությունը քննադատությունից մարդու իրավունքների ոլորտում իրավիճակի կապակցությամբ:

Թագաժառանգ արքայազն Մուհամեդ բեն Սալմանը նախապես հայտարարել էր, որ 2017-ին Սաուդյան Արաբիան, Արաբական Միացյալ Էմիրությունները, Բահրեյնը եւ Եգիպտոսը բոյկոտ հայտարարեցին Կատարին: Ռիադը հայտարարեց, որ բոլոր չորս պետությունները պայմանավորվել են վերականգնել դիվանագիտական, առեւտրային եւ զբոսաշրջային կապերը Դոհայի հետ ԱՄՆ-ի աջակցությամբ ձեռք բերված գործարքի շրջանակներում, սակայն աղբյուրները հայտնեցին, որ մյուս երեք երկրները ստիպված են ընդհանուր հռչակագիր ստորագրել եւ, հավանաբար, ավելի դանդաղ առաջ կշարժվեն այդ ուղղությամբ` հաշվի առնելով խորը տարաձայնությունները:

«Սաուդյան Արաբիան շատ առաջ է մյուսներից,- ասել է իրավիճակին ծանոթ աղբյուրներից մեկը:- Հռչակագիրն ընդհանուր բնույթ էր կրում` բոլոր կողմերի կողմից դրա ստորագրումն ապահովելու համար»:

ԱՄԷ-ն, Բահրեյնը և Եգիպտոսը դեռ պետք է հայտարարեն Կատարի հետ կապերը վերականգնելու ուղղությամբ կոնկրետ միջոցառումների մասին:

Երեք երկրներից յուրաքանչյուրն իր տարաձայնություններն ուներ Կատարի հետ: Ավելի քան մեկ տարի Թրամփի վարչակազմը ձգտում էր հայտարարության ընդունմանը, մասնավորապես` մասնավորապես օդային տարածքի բացմանը` Իրանին զսպելու ջանքերին աջակցելու համար: Սակայն պարզվեց, որ գործարքը հնարավոր չէ` չնայած Միացյալ Նահանգների եւ Քուվեյթի միջնորդական ջանքերին:

Աղբյուրը մանրամասնում է, որ Սպիտակ տան ավագ խորհրդական Ջարեդ Քուշները եւ այլ պաշտոնատար անձինք արքայազն Մուհամեդի աջակցությամբ նոր քայլ են ձեռնարկել:

«Մենք ցանկանում էինք ավարտել դա մինչ (Թրամփի) ժամկետի ավարտը»,- ասել է Թրամփի վարչակազմի բարձրաստիճան պաշտոնյան:

Սաուդյան Արաբիան ներկայումս միակ երկիրն է, որն ակտիվ քայլեր է ձեռնարկում Կատարի հետ իր օդային տարածքը եւ սահմանները բացելու եւ դիվանագիտական ​​հարաբերությունները վերականգնելու ուղղությամբ, նշում են երեք աղբյուրներ: