ԱՄՆ-ում այրվող սմարթֆոնի պատճառով ուղևորներին օդանավից տարհանել են

Նոր Օռլեան-Սիեթլ չվերթի ուղևորին պատկանող Samsung սմարթֆոնը հրդեհվել է ինքնաթիռ նստեցման ժամանակ: Այս մասին հայտնում է The Seattle Times- ը:

Երբ Alaska Airlines ավիաընկերության 751 չվերթի նստեցումն է եղել Սիեթլի օդանավակայանում, ինքնաթիռում սկսել է ծուխ տարածվել, պատմել են ականատեսները: Անձնակազմը որոշել է դադարեցնել նստեցումը և սկսել ուղևորների շտապ տարհանումը: Միջադեպի հետևանքով ուղևորներից ոչ ոք լուրջ վնասվածքներ չի ստացել, ծխի հետևանքով այլ չվերթներ չեն հետաձգվել:

Ըստ ուղևորների՝ միջադեպի և հետագայում տարհանման պատճառը եղել է Samsung Galaxy A21 սմարթֆոնի այրվելը: Սարքի մարտկոցը, ամենայն հավանականությամբ, վնասված է եղել: Հրդեհը տեղայնացնելու համար բորտուղեկցորդուհիները օգտագործել են կրակմարիչներ, հատուկ հրակայուն պարկ և կանչել շտապ օգնության ծառայություններ:

Ինչպես հայտնել է օդանավակայանում The  Seattle Times- ի լրագրողը, ուղևորներն անմիջապես ավտոբուսով տեղափոխվել են տերմինալ: Նրանցից երկուսին անհրաժեշտ է եղել բուժօգնություն ցուցաբերել. հետագայում մարդիկ հոսպիտալացվել են թեթև վնասվածքներով:

«Դեպքի վայրի զննումից հետո ես կարող եմ ձեզ ասել, որ հեռախոսը այրվել է անճանաչելիորեն», – մամուլին ասել է օդանավակայանի ներկայացուցիչ Պերի Կուպերը: