Երուսաղեմում հանդիպել են Նեթանյահուն և Ռուբիոն
Փետրվարի 16-ի առավոտյան Երուսաղեմի վարչապետի նստավայրում հանդիպում է կայացել Իսրայելի վարչապետ Բենիամին Նեթանյահուի և ԱՄՆ պետքարտուղար Մարկո Ռուբիոյի միջև։
Հանդիպմանը կհաջորդի ընդլայնված նիստը Ռուբիոյի և ԱՄՆ այլ ներկայացուցիչների հետ։
Մարկո Ռուբիոն Իսրայել է ժամանել փետրվարի 15-ի երեկոյան։ Սա ԱՄՆ Պետդեպարտամենտի ղեկավարի առաջին այցն է Իսրայել՝ պաշտոնը ստանձնելուց հետո։
Օրակարգում հանդիպումներ են ոչ միայն վարչապետ Բենիամին Նեթանյահուի, այլ նաև արտաքին գործերի նախարար Գեդեոն Սաարի, ռազմավարական պլանավորման նախարար Ռոն Դերմերի և խորհրդարանական ընդդիմության ղեկավար Յաիր Լապիդի հետ։
ԱՄՆ պետքարտուղարը կխոսի նաև Իսրայելի նախագահ Իսահակ Հերցոգի հետ։
Կարծիքներ