Այս տարվա գարունը ուշացած, բայց շատ բուռն եկավ. Գագիկ Սուրենյան

«Այս տարվա գարունը ուշացած, բայց շատ բուռն եկավ»․ այս մասին իր ֆեյսբուքյան էջում գրառում է արել «Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը։

Ինչպես ավելի վաղ հայտնել էինք, հանրապետության տարածքում օդի ջերմաստիճանը մինչև ապրիլի 9-ն աստիճանաբար կբարձրանա 8-10 աստիճանով։

Արաբական թերակղզուց արևադարձային տաք օդի ալիքի ներթափանցմամբ պայմանավորված ապրիլի 6-9-ն օդի ջերմաստիճանը հանրապետության ողջ տարածքում աստիճանաբար կբարձրանա 8-10 աստիճանով։ Ապրիլի 8-9-ը օդի ջերմաստիճանը ցերեկային ժամերին Սյունիքի հովտային գոտում կհասնի +28…+32, Արարատյան դաշտում և Երևանում՝ +27…+29 աստիճանի։

Հանրապետության տարածքում՝

Ապրիլի 6-ի ցերեկը հյուսիսային շրջաններում, 10-11-ն առանձին շրջաններում սպասվում է կարճատև անձրև և ամպրոպ, 7-9-ը սպասվում է առանց տեղումների եղանակ:

Քամին՝ հարավ-արևելյան՝ 2-5 մ/վ:

Օդի ջերմաստիճանն ապրիլի 6-9-ն աստիճանաբար կբարձրանա 8-10 աստիճանով:

Երևան քաղաքում՝

Ապրիլի 6-ի ցերեկը, 7-9-ը սպասվում է առանց տեղումների եղանակ, 10-11-ը սպասվում է կարճատև անձրև և ամպրոպ: