«Նաֆտոգազը» խոստովանել է, որ «Գազպրոմը» չի խախտել պայմանագիրը՝ դադարեցնելով գազի տարանցումը

«Գազպրոմն» իրավունք ունի դադարեցնել բնական գազի ֆիզիկական տարանցումը Ուկրաինայի տարածքով, դա նախատեսված է Ուկրաինայի և Ռուսաստանի Դաշնության միջև գործող տարանցման պայմանագրով:

Այս մասին ուրբաթ օրը Facebook-ում հայտարարել է «Ուկրաինայի Նաֆտոգազ» ընկերության ղեկավար Յուրի Վիտրենկոն:

Հոկտեմբերի 1-ից «Գազպրոմը»՝ «Բալկանյան հոսք» գազամուղով («Թուրքական հոսքի» շարունակությունը) և հարավ-արևելյան եվրոպական խողովակաշարերով սկսեց Հունգարիային գազ մատակարարել երկարաժամկետ պայմանագրով, որը կնքվել էր սեպտեմբերի 27-ին: Ինչպես ավելի վաղ հայտնել էր հոլդինգը, ընդհանուր առմամբ կնքվել էր երկու պայմանագիր՝ մինչեւ 4,5 միլիարդ խորանարդ մետր տարեկան։ Պայմանագրերից յուրաքանչյուրի ժամկետը 15 տարի է"