Իր գործին նվիրված մասնագետի կորուստը անդառնալի է. Ավինյանը՝ վթարի հետևանքով շտապօգնության բժշկի մահվան մասին
Այսօր շտապօգնության ծառայության բրիգադը հայտնվել է ճանապարհատրանսպորտային պատահարի մեջ։ Ցավալի է հայտնել, որ բժիշկը մահացել է։ Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը:
«Իր գործին նվիրված մասնագետի կորուստը անդառնալի է։ Իմ խորին ցավակցությունն եմ հայտնում նրա ընտանիքին։
Բրիգադի մյուս անդամը՝ բուժքույրը, այժմ գտնվում է հիվանդանոցում։ Կյանքին սպառնացող վնասվածքներից հետո նա վիրահատվել է, և բժիշկները գնահատում են վիճակը ծանր։ Վարորդը նույնպես հիվանդանոցում է, ստացել է թեթև մարմնական վնասվածքներ»,- գրել է Ավինյանը։
Այսօր վաղ առավոտյան ցավալի դեպք է տեղի ունեցել. Երևանում վթարի Է ենթարկվել շտապօգնության մեքենան:
ՀՀ առողջապահության նախարար Անահիտ Ավանեսյանը տեղեկացրել էր, որ բժիշկը մահացել է, բուժքույրը վիրահատվել է, առողջական վիճակը գնահատվում է ծանր: Երևանի քաղաքապետի մամուլի խոսնակ Հայկ Կոստանյանը նշել էր, որ վարորդը ամրակապված չի եղել:
Կարծիքներ