Հնդկաստանի մի խումբ քաղաքացիներ կասկածվում և որոնվում են ավազակություն կատարելու և 4000 դոլար հափշտակելու համար

SHAMSHYAN.com-ի տեղեկություններով Հայաստանի Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում ստացվել են ՀՀ Ներքին գործերի նախարարության Ոստիկանության Նոր Նորքի բաժնի կողմից ձևակերպված փաստաթղթեր՝ հոկտեմբերի 7-ին ավազակության մասին ոստիկանության բաժին դիմած քաղաքացու ահազանգի հիման վրա: 

Ինչպես հայտնում է ֆոտոլրագրող Գագիկ Շամշյանը, այդ օրը՝ ժամը 00:30-ին, «Սուրբ Գրիգոր Լուսավորիչ» բժշկական կենտրոնից ոստիկանության Նոր Նորքի բաժին հայտնել են, որ «գլխի վնասվածք, աջ ականջի պատռած վերք» ախտորոշմամբ իրենց մոտ է տեղափոխվել Հնդկաստանի Հանրապետության քաղաքացի:

Հիավանդանոց մեկնած ոստիկանության Նոր Նորքի բաժնի ծառայողները պարզել են, որ վիրավորը Երևանի ավանդական բժշկության համալսարանի ուսանող 22-ամյա Ս. Նազիրն է, ով ոստիկաններին հայտնել է, որ տանը շշով հարվածել են գլխին:

Մինչ ոստիկանները պարզում էին դեպքի հանգամանքները, նույն բժշկական կենտրոն «աջ ուսագոտու փակ վնասվածք, վերջույթների քերծվածքներ» ախտորոշմամբ տեղափոխվել է ևս մեկ քաղաքացի:

Տեղում ոստիկանները պարզել են, որ նա նույնպես Հնդակաստանի Հանրապետության քաղաքացի, նույն համալսարանի ուսանող 24-ամյա Ա. Հարինն է, ով հայտնել է, որ տանը ծեծի է ենթարկվել:

Առավել մանրամասն՝ սկզբնաղբյուր կայքում։