Հյուսիսային Կորեան կրկին փորձարկել է ստորջրյա անօդաչու սարք, որը կարող է միջուկային զենք կրել

Մարտի 25-ից մարտի 27-ը ԿԺԴՀ Ազգային պաշտպանության ակադեմիան անցկացրել է «ռազմավարական ստորջրյա զենքեր» համակարգի հերթական փորձարկումը։ Այս մասին երեքշաբթի հայտնել է Կորեայի կենտրոնական լրատվական գործակալությունը։

Ստորջրյա միջուկային անօդաչու «Heil-1» մեքենան գործարկվել է մարտի 25-ին Վոնսան ծովածոցում և մարտի 27-ին հասել է ցանկալի կետ՝ Համգյոնբուկ-դո նահանգի Հվադաե կոմսությունում։ Այն անցել է մոտավորապես 600 կմ տարածություն օվալաձև և զիգզագաձև հետագծով։

Փորձարկման ընթացքում կատարվել է տեխնիկական բնութագրերի գնահատում, հաստատվել է զենքի համակարգի հուսալիությունն ու անվտանգությունը։

Ինչպես գրում է ՏԱՍՍ-ը՝ ավելի վաղ Կորեայի կենտրոնական լրատվական գործակալությունը հայտնել էր, որ ԿԺԴՀ-ն փորձարկել է նոր ստորջրյա անօդաչու սարք, որը կարող է միջուկային լիցք կրել, որը պայթյունից հետո մարտի 21-ից 23-ը կարող է առաջացնել «գերհզոր ռադիոակտիվ ցունամի»։