Արմավիրի մարզի Նոր Արտագերս գյուղում այրվել է մոտ 600 հակ անասնակեր
![Արմավիրի մարզի Նոր Արտագերս գյուղում այրվել է մոտ 600 հակ անասնակեր](https://freenews.am/uploads/images/image_750x_65089f01563aa.jpg)
Արմավիրի մարզային փրկարարական վարչության ճգնաժամային կառավարման կենտրոնը սեպտեմբերի 18-ին, ժամը 16։40-ին ահազանգ է ստացել, որ Նոր Արտագերս գյուղի 18-րդ փողոցի վերջնամասում անասնագոմին կից այրվում է անասնակեր։
Ինչպես տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Նշվում է, որ հրդեհը մեկուսացվել է ժամը 17։16-ին, մարվել՝ 18։00-ին։ Անասանգոմի մոտակայքում այրվել են կցորդիչը և կցորդչի վրա մոտ 600 հակ կուտակած անասնակեր։
Կարծիքներ