Շիրակի մարզպետարանում խորհրդակցություն է հրավիրվել Արթիկ համայնքի ոռոգման հիմնախնդիրների թեմայով
Շիրակի մարզպետ Նազելի Բաղդասարյանի հանձնարարությամբ մարզպետի տեղակալ Ալբերտ Այվազյանը, մարզպետարանի ոլորտային պատասխանատուների, համայնքի վարչական պատասխանատուների, մարզի տարածքը սպասարկող ջրօգտագործողների ընկերությունների ներկայացուցիչների մասնակցությամբ Արթիկի համայնքապետարանում խորհրդակցություն է անցկացրել։
Ինչպես տեղեկացրին Շիրակի մարզպետարանից, խորհրդակցություն ժամանակ քննարկվել են Արթիկ համայնքի ոռոգման հիմնախնդիրներին վերաբերող հարցեր, այդ թվում` Մանթաշի ջրամբարից մինչև Վարդաքարի ջրամբար ջրամղմանը, ոռոգման համակարգերի մաքրմանն առնչվող խնդիրներ։
Ըստ աղբյուրի՝ անդարադարձ է կատարվել նաև ջրային ռեսուրսների արդյունավետ կառավարմանը, կորուստների նվազեցմանը և ջրատարների մաքրմանը: Մարզպետի տեղակալը պատասխանատուներին հորդորել է առավել զգոն լինել, աշխատանքներն իրականացնել կանոնակարգված և սեղմ ժամկետներում ավարտին հասցնել Գետափ-Անուշավան հատվածի ներհամայնքային ոռոգման ցանցի մաքրման աշխատանքները։
Կարծիքներ