Հարուցվել է 472 վարչական վարույթ, կայացվել՝ 402 վարչական տուգանքի որոշում. Բնապահպանության և ընդերքի տեսչական մարմին

Հարուցվել է 472 վարչական վարույթ, կայացվել՝ 402 վարչական տուգանքի որոշում. Բնապահպանության և ընդերքի տեսչական մարմին

2021 թվականի առաջին կիսամյակի ընթացքում Բնապահպանության և ընդերքի տեսչական մարմնի կողմից արձանագրվել է 897 իրավախախտման դեպք, հարուցվել 472 վարչական վարույթ՝ 402 վարչական տուգանքի մասին որոշում:  Մնացած գործերն ընթացքի մեջ են։

Այս մասին տեղեկացնում է տեսչական մարմինը:

Իրավապահ մարմիններին ուղարկվել է 393 գործ։ Նույն ժամանակահատվածում հասարակական կազմակերպությունների, քաղաքացիների, ԶԼՄ-ների կողմից Տեսչական մարմին ստացվել է 103 գրավոր դիմում-բողոք, 156 հարցում, գրանցվել 113 ահազանգ, որից 66-ը՝ «Թեժ գիծ 119»-ով, 47-ը՝ սոցիալական հարթակների միջոցով:

Ահազանգերը հիմնականում վերաբերել են բուսական և կենդանական աշխարհների, շրջակա միջավայրի պահպանությանը, հանքարդյունաբերության ոլորտին և մթնոլորտ արտանետումներին:

Բարձրացված բոլոր հարցերին տրվել է օրենքով սահմանված կարգով համապատասխան ընթացք, իրականացվել արագ արձագանքում և տրամադրվել խորհրդատվություն։

Հետևեք մեզ նաև Տելեգրամում