Ուժգին քամիները և տեղատարափ անձրևները Կալիֆորնիայում մանկահասակ երեխայի և երիտասարդ աղջկա կյանք են խլել
Խաղաղօվկանոսյան փոթորիկի պատճառով Կալիֆորնիայում երկու օր ուժգին քամիներ, տեղատարափ անձրևներ և ձյան տեղումներ են եղել, որոնք առնվազն 2 մարդու կյանք են խլել. նրանցից մեկը 1-2 տարեկան տղա է, մյուսը՝ 19-ամյա աղջիկ։ Այս մասին հաղորդում է «Արմենպրես»-ը՝ վկայակոչելով Reuters գործակալությանը։
Եղանակային պայմանների հետևանքով տասնյակ հազարավոր մարդիկ զրկվել են էլեկտրական հոսանքից, խաթարվել է երթևեկությունը, տեղի են ունեցել քարաթափումներ, ծառեր են տապալվել։
Օդերևութաբանները կանխատեսել են, որ հունվարի 6-ին և առաջիկա օրերին ևս փոթորիկը կշարունակվի։
Կարծիքներ