Լատվիան արտակարգ դրության ռեժիմ Է սահմանում անօրինական միգրանտների պատճառով

 Լատվիայի կառավարությունը երկրում արտակարգ դրության ռեժիմ Է սահմանել միգրանտների հետ կապված իրադրության պատճառով: Այս մասին հայտնում է BBC-ն:

Օգոստոսի 11 -ից երեք ամսով արտակարգ դրություն է հայտարարվել սահմանամերձ երեք շրջաններում և Դաուգավպիլս քաղաքում, որը գտնվում է Լատվիայի, Բելառուսի և Լիտվայի սահմանների մերձեցման վայրից քսան կիլոմետր հեռավորության վրա

Լատվիայի կառավարության որոշման մեջ նշվում է, որ Լատվիա-Բելառուսական սահմանի անօրինական հատման փաստը հաստատելուց հետո պետական ​​սահմանապահն իրավունք ունի ֆիզիկական ուժ կիրառել ՝ և  յուրաքանչյուր միգրանտի անհապաղ վերադարձնելու այն երկիր, որտեղից նա անօրինական կերպով հատել է պետական ​​սահմանը :

Վարչապետ  Կրիշյանիս Կարինսը և ՆԳՆ ղեկավար Մարիա  Գոլուբևան նման կոշտ միջոցները բացատրում են նրանով, որ անօրինական միգրանտների ներհոսքը «հիբրիդային պատերազմ է», որը հայտարարված է ԵՄ երկրներին:

Լատվիայի պետական սահմանապահ ծառայության ղեկավար Գունտիս Պուժացի խոսքով ՝ վերջին մեկ օրվա ընթացքում մոտ 200 ներգաղթյալ  է ձերբակալվել Լատվիա-Բելառուս սահմանին, իսկ նախօրդ 3 օրերին 160 մարդ:

Լիտվան, Լատվիան և Եվրամիությունը կարծում են, որ Բելառուսի իշխանությունները միտումնավոր են կազմակերպել անօրինական ներգաղթյալների տեղափոխումը (հիմնականում Իրաքից, բայց նաև Մերձավոր Արևելքի և Աֆրիկայի այլ երկրներից) կամ դադարել են դրան խոչընդոտել ՝ ի պատասխան ԵՄ պատժամիջոցների:

Ինչպես հաղորդում է BNS գործակալությունը ՝ վկայակոչելով Լատվիայի սահմանապահ ծառայության ղեկավար Գունտիս Պուժացին, անօրինական ներգաղթյալների ներհոսքը հստակ կազմակերպված է. Շատերը, ըստ Պուժացի, չեն էլ հասկանում, թե որ երկրում են գտնվում: