Թմրանյութերի շրջանառությունը, չնայած կորոնավիրուսին, Եվրոպայում աճել է

Կորոնավիրուսը Եվրոպայում նպաստել է թմրանյութերի հետ կապված հանցագործությունների աճին: 2020 թվականին Եվրոպա ծանր թմրանյութերի ներկրման վիճակագրությունը, 2019-ի համեմատ, աճել է:  Երկրների արգելափակումը ոչ մի կերպ չի խոչընդոտել թմրանյութերի  շրջանառությանը: Հակառակը՝ ստիպել է, որպեսզի հանցագործները նոր ուղիներ փնտրեն առևտուրը շարունակելու համար:

«Ցամաքային ճանապարհների փակման պատճառով հանցագործները սկսել  են օգտագործել ծովային ուղիները»,- պատմել է  գիտական վերլուծաբան  Տիբերիու Ստոյան:

Նա նկատել է, որ 2020-ի երկրորդ կեսին աշխարհի խոշոր նավահանգիստներում հայտնաբերվել են ծանր թմրանյութերի խոշոր խմբաքանակներ: Միայն Անթվերպենի նավահանգստում 2021 թվականի փետրվարից սկսած ոստիկանությունը հայտնաբերել և առգրավել է ավելի քան 27.67 կգ կոկաին: Ընդհանրապես թմրանյութերի  հետ կապված հանցագործությունները 2020 թվականին, 2019-ի համեմատ, աճել են 1.7 տոկոսով ՝ գրանցվել է 365 753 իրավախախտում,- գրում է Известия-ն: Լատինական Ամերիկայից  թմրանյութերը հիմնականում առաքվել  են  Ռոտերդամի, Համբուրգի, Անթվերպենի նավահանգիստներ: