Վանաձոր քաղաքում այրվել է 120 հա խոտածածկույթ
![Վանաձոր քաղաքում այրվել է 120 հա խոտածածկույթ](https://freenews.am/uploads/images/image_750x_630fccca96f2e.jpg)
Օգոստոսի 31-ին, ժամը 13։55-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Տարոն-4 թաղամասի հյուսիսային սարալանջին այրվում է խոտածածկույթ։
Դեպքի վայր են մեկնել ԱԻՆ ՓԾ մարզային փրկարարական վարչության չորս օպերատիվ խումբ և հրշեջ-փրկարարական ջոկատներից երկու մարտական հաշվարկ։
Հրդեհաշիջման աշխատանքների ընթացքում կիրառվել է անօդաչու թռչող սարք։
Պարզվել է, որ հրդեհը բռնկվել է Տարոն-4 թաղամասի հյուսիսային սարալանջի և Բազումի լեռնաշղթայի միջև ընկած հատվածում։
Հրդեհը մեկուսացվել է ժամը 20։10-ին, մարվել՝ 20։20-ին։ Այրվել է մոտ 120 հա խոտածածկույթ։
Հրդեհաշիջման աշխատանքներին մասնակցել են նաև Բազում բնակավայրից 10 բնակիչ։
Կարծիքներ