Թուրքիայում միլիոնատերերի թիվն աճել է 53 տոկոսով
Թուրքիայում գլխավոր ընդդիմադիր ուժ համարվող «Ժողովրդահանրապետական» (ԺՀԿ-CHP) կուսակցության փոխնախագահ Վելի Աղբաբը զեկույց է պատրաստել կորոնավիրուսի համավարակի տարածումից ի վեր Թուրքիայում միլիոնատերերի թվի և հարստության վերաբերյալ։ Այս մասին հայտնում է Ermenihaber-ը։
Ըստ այդ զեկույցի՝ 2020 թվականի մարտ ամսից հետո Թուրքիայում միլիոնատերերի թիվն աճել է 53 տոկոսով՝ հասնելով 376․787-ի։ Նույն ժամանակահատվածում 54 տոկոսով աճել է նրանց ունեցվածքը՝ հասնելով 2 տրիլիոն 392 միլիարդ թուրքական լիրայի։
«Նվազագույն աշխատավարձ ստացողը, թոշակառուն, պետական աշխատողը սովի և աղքատության շեմից ներքև պայքարում է հաց վաստակելու համար, սակայն համավարակի տարածումից հետո Թուրքիայում միլիոնատերերի թիվն աճել է 53 տոկոսով: Այս իրավիճակը Թուրքիայում եկամուտների անարդարության վերջին կետն է»,-նշել է ընդդիմադիր գործիչը զեկույցը ներկայացնելիս։
Կարծիքներ