ԱՄՆ-ն ակնկալում է, որ Զելենսկին կմասնակցի «Ժողովրդավարության գագաթնաժողովին»
Միացյալ Նահանգների վարչակազմն ակնկալում է, որ Ուկրաինայի նախագահ Վլադիմիր Զելենսկին կմասնակցի մարտի 29-30-ը կայանալիք «Հանուն ժողովրդավարության» երկրորդ գագաթնաժողովին։ Այս մասին չորեքշաբթի օրը արտասահմանյան մամուլի համար ճեպազրույցում հայտարարեց Սպիտակ տան Ազգային անվտանգության խորհրդի (ԱԱԽ) ժողովրդավարության և մարդու իրավունքների ավագ տնօրեն Ռոբերտ Բերչինսկին։
Նրան հարցրել են, թե ուկրաինացի առաջնորդը ելույթ կունենա՞ կամ կմասնակցի այս կամ այն ձևաչափով «Հանուն ժողովրդավարության գագաթնաժողովին»։ «Ինչ վերաբերում է Ուկրաինային և նախագահ Զելենսկու մասնակցությանը, ես կցանկանայի դիմել Ուկրաինայի կառավարությանը՝ հաստատելու նախագահ Զելենսկու մասնակցությունը, բայց մենք ակնկալում ենք, որ նա կմասնակցի գագաթնաժողովին, ինչպես շատ տասնյակ օտարերկրյա առաջնորդներ», - ասել է Բերչինսկին։
Կարծիքներ