Պետք է վերականգնել ԿԽՄԿ-ի գործունեությունը տարածաշրջանում. Հայաստանում Չեխիայի դեսպանն անդրադարձել է Ժոզեպ Բորելի հայտարարությանը
Հայաստանում Չեխիայի դեսպան Պետր Պիրունչիկն անդրադարձել է ԵՄ արտաքին հարաբերությունների բարձր ներկայացուցիչ Ժոզեպ Բորելի հայտարարությանն ու այն մասնակիորեն վերահրապարակել «Թվիթեր»-ի իր միկրոբլոգում:
Պիրունչիկը նաև գրել է.
«ԵՄ-ն նաև նշում է, որ ԿԽՄԿ-ի գործունեությունը տարածաշրջանում խիստ տուժել է, և կոչ է անում այն ամբողջությամբ վերականգնել, ներառյալ՝ առողջապահական նկատառումներով տարհանումը և հումանիտար մատակարարումները»:
Բորելն Ադրբեջանին կոչ է արել ապահովել ԼՂ ազատ տեղաշարժն ու բացել ճանապարհը՝ շեշտելով. «Մենք ի գիտություն ենք ընդունել Ադրբեջանի իշխանությունների պատրաստակամությունը՝ մթերքներ մատակարարել նաև Աղդամ քաղաքով: Սակայն դա պետք չէ դիտարկել իբրև Լաչինի միջանցքի բացման այլընտրանք»:
Կարծիքներ