Ջրի անվտանգության հարցերը` ԱԱՏՄ օրակարգում

Ջրի անվտանգության հարցերը` ԱԱՏՄ օրակարգում

Ջրի անվտանգության հարցերը` ԱԱՏՄ օրակարգում. թեմայի շուրջ հերթական քննարկումներն անցկացվել են Արարատի եւ Արմավիրի մարզպետարաններում։

Առողջապահական եւ աշխատանքի տեսչական մարմնի արեւմտյան տարածքային կենտրոնի ղեկավար Գնել Սարգսյանն Արմավիրի փոխմարզպետ Կարեն Գրիգորյանի, հաջորդիվ` Արարատի մարզպետարանի գլխավոր քարտուղար Լիլիթ Միրզախանյանի հետ հանդիպումների ընթացքում ներկայացրել է ջրի անվտանգության ապահովման նպատակով հարուցված վարչական վարույթների ընթացքը, խմելու ջրի նկատմամբ վերահսկողությանն առնչվող հարցեր ու անելիքներ։

Մարզպետարանների ներկայացուցիչները պատրաստակամություն են հայտնել աջակցելու ԱԱՏՄ-ին` վարչարարությունն իրականացնելիս։

Ընթացիկ աշխատանքային այցերով դիտարկվել է օրվա կարգավորիչ ջրամբարների, ջրաղբյուրների վիճակը:

Հետևեք մեզ նաև Տելեգրամում