2025 թվականը՝ մտքի և հոգու հեղափոխության, մեր դարավոր վախերը հաղթահարել սովորելու տարի. Աննա Հակոբյան

ՀՀ վարչապետի տիկին Աննա Հակոբյանը կրթարշավի շրջանակներում հունվարի 17-ին ուղևորվել է Սիսիան:

«Կրթարշավի 2025 թվականի առաջին հանդիպումը Սիսիանում էր։

Պետք է խոստովանեմ, երբ հանդիպման մասնակիցներին խնդրեցի իրենց տպավորությունն ու կարծիքը հայտնել «Կրթվելը նորաձեւ է» արշավի մասին, այնպիսի կարեւոր մտքեր հնչեցին, որ մտածեցի՝ ավելացնելու բան չկա այլեւս։ Բայց, իհարկե, երեք ժամից ավելի քննարկեցինք մեր խնդիրները, կրթաշղթայի կենդանի օղակները 62 հոգով ավելացան։

Շնորհակալ եմ ջերմ ընդունելության համար, շնորհակալ եմ ըմբռնման եւ #կրթվելընորաձեւէ արշավի կրողը եւ տարածողը դառնալու համար

2025 թվականը՝ մտքի եւ հոգու հեղափոխության տարի

2025 թվականը՝ նորովի կրթվելու տարի

2025 թվականը՝ մեր դարավոր վախերը հաղթահարել սովորելու տարի