Բանգլադեշում 5 իսլամիստ զինյալ մահապատժի է դատապարտվել ամերիկացի բլոգերի սպանության համար
![Բանգլադեշում 5 իսլամիստ զինյալ մահապատժի է դատապարտվել ամերիկացի բլոգերի սպանության համար](https://freenews.am/uploads/images/image_750x_602c185f9a5b2.jpg)
Բանգլադեշի դատարանը հինգ իսլամիստ զինյալի մահապատժի է դատապարտել կրոնական ծայրահեղականությունը քննադատող ամերիկացի բլոգերի սպանության համար, հայտնում է AFP-ն:
Բանգլադեշցի ծագմամբ ԱՄՆ քաղաքացի Ավիջիտ Ռոյը 2015-ի փետրվարին դանակահարվել էր գրքի ցուցահանդեսից իր կնոջ հետ տուն վերադառնալիս: Նրա կինը ու գործընկեր բլոգեր Ռաֆիդ Ահմեդը վնասվածքներ էին ստացել գլխի հատվածում:
Դատարանն ամբաստանյալներից մեկին ցմահ ազատազրկման է դատապարտել հարձակման համար:
Երեքշաբթի դատապարտված վեց անձինք պատկանում են «Ալ-Քաիդա»-յի կողմից ոգեշնչված Ansar Ullah Bangla Team խմբավորմանը, որը, ոստիկանության տվյալներով, կանգնած է մեկ տասնյակից ավել աշխարհիկ ակտիվիստների եւ բլոգերների սպանությունների հետեւում: Ամենալուրջ հարձակումը տեղի էր ունեցել 2016-ի հուլիսին, երբ զինյալները ներխուժել էին Դաքայի դիվանագիտական թաղամասի սրճարան եւ սպանել 22 մարդու, որոնց մեծ մասն օտարերկրացիներ էին:
Կարծիքներ