Ալմաթիի օդանավակայանն անորոշ ժամանակով փակվել է

Ալմաթիի միջազգային օդանավակայանն անորոշ ժամանակով փակվել  է: Այս մասին շաբաթ օրը հայտնել է Tengrinews գործակալությունը իր Telegram ալիքում։

«Ալմաթիի օդանավակայանը ժամանակավորապես փակ է, բացման մասին տեղեկատվություն կտրամադրվի ավելի ուշ»,- գործակալությունը մեջբերում է օդային մամուլի ծառայության հաղորդագրության տեքստը։ Ավելի վաղ հաղորդվում էր, որ օդանավակայանի աշխատանքը դադարեցվել է մինչև հունվարի 10-ը։

Ղազախստանի արդյունաբերության և ենթակառուցվածքների զարգացման նախարարության մամուլի ծառայությունն ավելի վաղ հայտնել էր, որ շաբաթ օրը Ղազախստանում նախատեսված 216 ներքին չվերթներից ավելի քան 160-ը չեղարկվել են: Բոլոր ուշացումների և չեղարկումների հիմնական պատճառը Ղազախստանի օդանավակայանների փակումն է Ակտաու, Թալդիկորգան, Ալմաթի քաղաքներում։

Հունվարի 5-ին Ղազախստանի նախագահ Կասիմ-Ժոմարտ Տոկաևը Անվտանգության խորհրդի նիստում հայտարարել է, որ ահաբեկչական խմբավորումները գրավել են Ալմաթիի օդանավակայանը։ Ավելի ուշ,հատուկ գործողության արդյունքում այն ազատել էին ահաբեկիչներից:։