Էջմիածնում «Mercedes-Benz» մակնիշի ավտոմեքենան բախվել է բնակելի տան պատին և բռնկվել
ՀՀ ԱԻՆ-ից հայտնում են, որ հոկտեմբերի 9-ին, ժամը 23։24-ին Արմավիրի մարզային ճգնաժամային կառավարման կենտրոն ահազանգ է ստացվել, որ Էջմիածին քաղաքի Սպանդարյան փողոցում տեղի է ունեցել ՃՏՊ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mercedes-Benz» մակնիշի ավտոմեքենան բախվել է բնակելի տան պատին և բռնկվել։
Հրդեհը մեկուսացվել է ժամը 23։38-ին, մարվել` 23։42-ին:
Փրկարարները վարորդին ցուցաբերել են առաջին բուժօգնություն, սահմանազատել տարածքը, հոսանքազրկել ավտոմեքենան և փակել գազի բալոնի փականը։
Վարորդը տեղափոխվել է «Էջմիածին» ԲԿ։
Կարծիքներ