Տարածաշրջանային ֆորում՝ ֆրանսերենի ապագա ուսուցիչների համար
Բուլղարիայի Սոֆիա քաղաքում օգոստոսի 22-26-ը կկայանա ֆրանսերենի ապագա երիտասարդ ուսուցիչների տարածաշրջանային ֆորում:
Այս մասին տեղեկացնում է ՀՀ ԿԳՄՍՆ-ն:
Համաժողովին կմասնակցեն Կենտրոնական և Արևելյան Եվրոպայի ֆրանկոֆոն երկրների ֆրանսերենի 30 երիտասարդ մասնագետներ, որոնք ցանկանում են սկսել կամ նոր են սկսում իրենց գործունեությունը կրթության ոլորտում և կրում են լեզվի ուսուցումը մշակութային միջոցառումների հետ համատեղման նորարարական գաղափարներ:
Ֆրանկոֆոն միջազգային կազմակերպությունը կհոգա մասնակցության բոլոր ծախսերը: Միջոցառումների ծրագրում ընդգրկված են կլոր սեղաններ և կոնֆերանսներ կրթության ոլորտում լեզվի և մշակույթի դասավանդման վերաբերյալ, ուսումնական դասընթաց (թատրոն, երաժշտություն, կինո, լրագրություն), ծանոթություններ ֆրանսախոս անձանց հետ, մշակութային միջոցառումներ, տոնական հանդիպումներ:
Առավել մանրամասն տեղեկատվություն ստանալու, ինչպես նաև մասնակցության գրանցման համար անհրաժեշտ է անցնել հետևյալ հղմամբ:
Կարծիքներ