Նոր Զելանդիայում կնոջը ձերբակալել են վարչապետի գրասենյակի վրա հարձակվելու համար

Նոր Զելանդիայի ոստիկանությունը ձերբակալել է մի կնոջ, ով հարձակվել էր Օքլենդում վարչապետի գրասենյակի վրա։ Այս մասին հինգշաբթի հայտնել է Radio New Zealand ռադիոկայանը :

Նրա խոսքով՝ մետրոպոլիայի 57-ամյա բնակչուհին կոտրել է երկրի վարչապետ Ջասինդա Արդերնի աշխատասենյակի պատուհանների ու դռների ապակին և ծխային ռումբ նետել ներսում։ Կինն արագ փախել է դեպքի վայրից, բայց միաժամանակ ընկել է փողոցային հսկողության տեսախցիկների տեսադաշտը, որից ստացված ձայնագրությունը թույլ է տվել իրավապահներին արագ բացահայտել հարձակվողին։

Ինչպես նշել են երկրի ոստիկանությունում, վարչապետի աշխատասենյակի ապակիները կոտրած կնոջը ձերբակալել են իր տանը, նրան մեղադրանք է առաջադրվել դիտավորությամբ գույքը վնասելու համար։ Հաղորդվում է նաեւ, որ հարձակման պահին շենքում աշխատակիցներ չեն եղել, միջադեպի հետեւանքով ոչ ոք չի տուժել։

Երկրի վարչապետի խոսնակն ասել է, որ Արդերնը «տեղյակ է միջադեպի մասին, սակայն սպասում է ոստիկանությունից լրացուցիչ մանրամասների»: