Հունական Սկիրոս, Սկիաթոս և Թասոս կղզիների շատ շրջաններում հեղեղումներ են
Շաբաթ օրը հորդառատ անձրևների հետևանքով հունական Սկիրոս, Սկիաթոս և Թասոս կղզիների շատ շրջաններում հեղեղումներ են եղել, մի շարք ճանապարհներ հեղեղվել են և ժամանակավորապես խաթարվել դրանցով երթեւեկությունը: Այս մասին կիրակի հայտնել է հունական Skai հեռուստաալիքը։
Կենտրոնական Հունաստանի շրջանի վարչակազմի տվյալներով՝ շաբաթ օրը վատ եղանակային ալիք է հարվածել Սկիրոս, Սկիաթոս և Թասոս կղզիներին, որն ուղեկցվել է երկարատև հորդառատ անձրևներով և շատ ուժեղ քամիներով։ Դրանցից հատկապես տուժել է Սկիրոսը, որտեղ գետերի վրայով չորս կամուրջներ քանդվել են ջրի հզոր հոսքերի պատճառով, կղզու շատ հատվածներ հեղեղվել են, իսկ ճանապարհային ցանցի շատ հատվածներում երթեւեկությունը ժամանակավորապես դադարեցվել է։ Էքստրեմալ եղանակային իրադարձությունների առաջին իսկ ժամերից Կենտրոնական Հունաստանի շրջանի քաղաքացիական պաշտպանության աշխատակիցները աջակցել են քաղաքային իշխանություններին, ոստիկանությանը և բանակին տասնյակ տեղացիների և զբոսաշրջիկների անվտանգ տեղափոխման հարցում, ովքեր լողափերում էին և չէին կարող հեռանալ ջրհեղեղի պատճառով:
Կարծիքներ