Առողջության համար ամենավտանգավոր երեք դիետաները
Որոշ մարդիկ նիհարելու համար տարբեր դիետաներ են պահում, որոնք կարող են տալ եւ՛ կարճաժամկետ, եւ՛ երկարաժամկետ արդյունք եւ շատ թանկ նստել օրգանիզմի վրա: Ներկայացնում ենք առողջության համար ամենավտանգավոր 3 դիետաները:
Խմելու դիետա
Այսօր հայտնի են շատ դիետաներ, որոնց ժամանակ չի կարելի պինդ սնունդ օգտագործել եւ կարելի է խմել միայն տարբեր խմիչքներ: Խնդիրն այն է, որ միայն հյութերով եւ այլ խմիչքներով նման «սնունդը» բացասաբար է ազդում ստամոքսի, աղիքների եւ ատամների վրա:
Կաղամբի դիետա
Համարվում է, որ երկու շաբաթվա ընթացքում կաղամբով ապուր ուտելը կօգնի նիհարել: Այո, հնարավոր է, ձեզ հաջողվի նիհարել, սակայն դիետայի դադարեցումից հետո ձեզ մոտ, հավանաբար, մարսողական խնդիրներ կառաջանան:
Սպիտակուցային դիետա
Նման դիետան ենթադրում է մեծ թվով կենդանական սպիտակուցի կիրառում՝ միս, պանիր, ձու, կաթնամթերք: Ընդ որում, անհրաժեշտ է բացառել ածխաջրերը, այդ թվում նրանք, որոնք պարունակվում են բանջարեղենի, մրգերի, ամբողջահատիկ մթերքների մեջ: Առողջության համար ոչ մի լավ բանի դա չի հանգեցնի: Ամենայն հավանականությամբ, ձեզ մոտ կբարձրանա արյան մեջ խոլեստերինի մակարդակը, իսկ օրվա ընթացքում էներգիա քիչ կլինի:
Եթե ցանկանում եք նիհարել, ապա պետք չէ դրա համար որեւէ դիետա պահել. պարզապես հիշեք, որ ավելորդ քաշից ազատվելու համար պետք է կալորիաների դեֆիցիտ ստեղծել, այսինքն՝ օգտագործել ավելի քիչ, քան ծախսում եք: Փորձեք առավելագույնս հավասարակշռված սնվել՝ առողջությունը չվնասելու համար:
Կարծիքներ