Հայաստանի բասկետբոլի ազգային հավաքականը պարտվեց Սիրիային

«Sada Cup»-ի վերջին խաղային օրը Հայաստանի բասկետբոլի ազգային հավաքականը հանդիպեց Սիրիայի ընտրանուն։

«Արմենպրես»-ի հաղորդմամբ`  հանդիպման Հայաստանի թիմը մոտեցել էր 2 հաղթանակ ունենալով իր ակտիվում ,իսկ Սիրիան մեկ հաղթանակով և մեկ պարտությամբ։ Առաջին քառորդում Հայաստանի ընտրանին շեշտը դրել էր 3 միավորանոց նետումների վրա,որոնք չէին բերում իրենց ցանկալի արդյունքը,խաղափուլի վերջում Սիրայի ընտրանին կարողացավ առաջ անցնել հաշվի մեջ` 20-23: Իսկ վերջին մրցափուլն անցավ գերլարված պայքարում մ և Սիրիայի բասկետբոլիստները չնչին առավելությամբ կարողացան հաղթանակի հասնել Հայաստանի ընտրանու նկատմամբ 57-59:

Արդյունքում SADA CUP մրցաշարի չեմպիոնի կոչումը նվաճեց Իրանի հավաքականը:
Հայտնի դարձան նաև մրցաշարի լավագույնները՝
Լավագույն խաղարկող՝ Ալբերտ Թադևոսյան (Հայաստան)
Լավագույն պաշտպան՝ Անդրե Սպայթ Մկրտչյան (Հայաստան)
Լավագույն թեթև հարձակվող՝ Մեթյու Մադոյան (Հայաստան)
Լավագույն ծանր հարձակվող՝ Օմար Իդելբի (Սիրիա)
Լավագույն կենտրոնական՝ Հասան Ալիակբարի (Իրան)
MVP-ն բաժին հասավ իրանցի Սինա Վահեդիին: