Իսպանիայում ՀՀ դեսպանը մասնակցել է Մադրիդի Սան Դամասո համալսարանում անցկացված «Վայելելով Հայաստանը» խորագրով համաժողովին
Իսպանիայում ՀՀ դեսպան Սոս Ավետիսյանը մասնակցել է Մադրիդի Սան Դամասո համալսարանում անցկացված համաժողովին, որը կրել է «Վայելելով Հայաստանը» խորագիրը։
Այս մասին տեղեկացնում է դեսպանության ֆեյսբուքյան էջը:
Միջոցառման սկզբում դեսպան Ավետիսյանը գրառում է կատարել համալսարանի պատվավոր հյուրերի գրքում։
Համաժողովի շրջանակներում Հայաստանի և հայ եկեղեցու պատմությանը, հայոց գրերին և գրականությանը նվիրված ելույթներով հանդես են եկել նույն համալսարանի դասախոսներ Կլարա Սանվիտոն, Մարեկ Ռաչկևիչը, ինչպես նաև Իսպանիայում և Պորտուգալիայում Հայ Առաքելական եկեղեցու հոգևոր հովիվ Շնորհք աբղ. Սարգսյանը:
Գրառման մեջ նաև ասված է.
«Իսպանիայում Հայաստանի դեսպանությունն իր երախտագիտությունն է հայտնում Սան Դամասո համալսարանի Քրիստոնեական և դասական գրականության ֆակուլտետի դեկան Պիլար Գոնսալես Կասադոյին և համաժողովի պատասխանատուներ Անխել Լոպես Չալային և Կլարա Սանվիտոյին՝ նման միջոցառում կյանքի կոչելու համար»։
Համաժողովն իր աշխատանքները կշարունակի ապրիլի 8-ին։
Կարծիքներ