Նախագահի հրամանագրով՝ մի շարք երկրներում նոր դեսպաններ են նշանակվել
ՀՀ նախագահի հրամանագրերով՝ այսօր Թուրքմենստանում, Կանադայում, Կուբայում, Բրազիլիայում, Կոլումբիայում եւ Բոլիվիայում նոր դեսպաններ են նշանակվել։
Այսպիսով՝
Ռուբեն Խարազյանը նշանակվել է Թուրքմենստանում Հայաստանի Հանրապետության արտակարգ և լիազոր դեսպան` երեք տարի ժամկետով (նստավայրը՝ Աշգաբատ):
Կանադայում Հայաստանի Հանրապետության արտակարգ և լիազոր դեսպան Անահիտ Հարությունյանը, համատեղության կարգով, նշանակվել է Կուբայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Օտտավա):
Բրազիլիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Արման Հակոբյանը, համատեղության կարգով, նշանակվել է Կոլումբիայի Հանրապետությունում և Բոլիվիայի Բազմազգ Պետությունում Հայաստանի Հանրապետության արտակարգ և լիազոր դեսպան (նստավայրը` Բրազիլիա):
Նշենք նաեւ, որ նախախագահի այսօրվա մեկ այլ հրամանագրով Եգիպտոսում դեսպան է նշանակվել Հրաչյա Փոլադյանը։
Կարծիքներ