Հրդեհ Աբովյան քաղաքում. այրվել է տնակն ու կից կիսակառույցը
Փետրվարի 6-ին՝ ժամը 19:44-ին, Կոտայքի մարզային ճգնաժամային կառավարման կենտրոն ահազանգ է ստացվել, որ Աբովյան քաղաքի Հանրապետական հակատուբերկուլոզային դիսպանսերի մոտակայքում մեկ հարկանի տուն է այրվում:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Արզնի 2-րդ խճուղու 4-րդ թաղամասի տներից մեկում:
Հրդեհը մեկուսացվել է ժամը 20:38-ին, մարվել՝ 21:44-ին։
Այրվել են վագոն-տնակը՝ մասամբ (մոտ 27 քմ), և կից քարե շինությունը՝ գույքով (մոտ 60 քմ)։
Կարծիքներ