Արաբական կոալիցիան կալանել Է հուսիթների անօդաչուն

Արաբական կոալիցիան կալանել եւ ոչնչացրել Է հուսիթների անօդաչուն, որն արձակվել Է Համիս-Մուշայթ սաուդյան քաղաքի կողմը, հաղորդել Է Al-Arabiya հեռուստաալիքը:

«Ահաբեկչական եւ թշնամական աշխարհազորայինների շարունակվող փորձերն ուղղված են քաղաքացիան բնակչությանը եւ քաղաքացիական օբյեկտներին, ինչպես նաեւ քաղաքացիան բնակչության եւ քաղաքացիական օբյեկտների վրա գրոհելու փորձերը կանխամտածված ու սիստեմատիկ են եւ իրենցից պատերազմական հանցագործություններ են ներկայացնում»,-հեռուստաալիքը մեջբերում Է Արաբական կոալիցիայի հայտարարությունը: «Մենք, միջազգային հումանիտար իրավունքին համապատասխան, օպերատիվ միջոցներ ենք ձեռնարկում քաղաքացիան բնակչությանը եւ քաղաքացիական օբյեկտները պաշտպանելու ուղղությամբ»,-ասվում Է հայտարարության մեջ:

2014 թվականի օգոստոսից Եմենում շարունակվում Է դիմակայությունը կառավարական ուժերի ու հուսիթների միջեւ: Այն առավել ակտիվ փուլ Է անցել 2015 թվականի մարտին կոալիցիայի ներխուժումից հետո, որը գլխավորում Է Սաուդյան Արաբիան: Եմենի Իրավունքի ու զարգացման կենտրոնների տվյալների համաձայն, 2015 թվականի գարնանից Եմենում սպանվել են 10 հազարից ավելի խաղաղ բնակիչներ, այդ թվում՝ գրեթե 2,4 հազար երեխաներ եւ շուրջ 2 հազար կանայք: Արաբական կոալիցիան՝ Սաուդյան Արաբիայի գլխավորությամբ, աջակցում Է Եմենի նախագահ Աբադ Ռաբբո Մանսուր Հադիի զորքերին՝ հուսիթ ապստամբների հետ նրանց դիմակայության գործում, որոնք վերահսկում են երկրի մի մասը: Արեմուտքում հայտարարում են, որ խռովարարներին օգնում Է Իրանը, հաղորդել Է «Ինտերֆաքս»-ը: