Բլինկենը և Վան Ին քննարկել են երկու երկրների միջև հաղորդակցության բաց ուղիների պահպանման հարցը
ԱՄՆ պետքարտուղար Էնթոնի Բլինկենը և Չինաստանի արտաքին գործերի նախարար Վան Յին հինգշաբթի հեռախոսազրույց են ունեցել՝ քննարկելու երկու երկրների միջև կապի բաց ուղիների պահպանումը, ինչպես նաև Ուկրաինայում տիրող իրավիճակը և համաճարակը: Այս մասին ասված է Պետդեպարտամենտի մամուլի ծառայության ղեկավար Նեդ Փրայսի՝ բանակցություններից հետո տարածված գրավոր հայտարարության մեջ։
«Պետքարտուղարը քննարկել է ԱՄՆ-ի և Չինաստանի միջև կապի բաց ուղիների պահպանման և հարաբերությունների պատասխանատու կառավարման անհրաժեշտությունը»,- ասել է դիվանագետը։ Նրա խոսքով՝ Բլինկենը մտահոգություն է հայտնել Ուկրաինայում Ռուսաստանի հատուկ ռազմական գործողության, ինչպես նաև այն սպառնալիքների կապակցությամբ, որոնք, նրա կարծիքով, «առաջացնում են համաշխարհային անվտանգության և տնտեսական կայունության համար»։
ԱՄՆ-ի և Չինաստանի արտաքին գործերի նախարարները «քննարկեցին COVID-19-ի հետ կապված ներկայիս իրավիճակը, և պետքարտուղարն ընդգծեց [այս հարցում] թափանցիկության կարևորությունը միջազգային հանրության համար», եզրափակեց Փրայսը:
Կարծիքներ