Հանրապետության տարածքում օդի ջերմաստիճանն աստիճանաբար կնվազի 5-7 աստիճանով

Երևանում հունիսի 7-ի երեկոյան ժամերին, հունիսի 8-12-ի գիշերը և երեկոյան ժամերին սպասվում է կարճատև անձրև և ամպրոպ: Երեկոյան ժամերին և ամպրոպի ժամանակ կդիտվի  նաև քամու ուժգնացում՝ 18-20մ/վ արագությամբ:

 ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը տեղեկացնում է, որ օդի ջերմաստիճանը հունիսի 7-9-ն աստիճանաբար կնվազի 5-7 աստիճանով:

Մարզերում հունիսի 7-ին՝ կեսօրից հետո, հունիսի 8-ի գիշերը և կեսօրից հետո առանձին շրջաններում, 9-12-ը շրջանների զգալի մասում սպասվում է կարճատև անձրև և ամպրոպ: Առանձին հատվածներում սպասվում է նաև կարկուտ:

Քամին՝ հարավարևմտյան 2-5մ/վ, ամպրոպի ժամանակ կանխատեսվում է քամու ուժգնացում՝ 18-23մ/վ արագությամբ:

Արցախում այսօր և վաղը սպասվում է անձրև և ամպրոպ։