ՆԳՆ-ն անդրադարձել է «Զվարթնոց» օդանավակայանում 30-ամյա օտարերկրացու մահվան մասին տեղեկություններին

Օգոստոսի 8-ին «Զվարթնոց» օդանավակայանի գծային բաժին ահազանգ է ստացվել, որ սիրտ-թոքային անբավարարություն ախտորոշմամբ շտապօգնության խումբը օդանավակայանից բժշկական կենտրոն է տեղափոխել մի օտարերկրացու, որը հիվանդանոցում մահացել է։ 

Այս մասին «Հայկական ժամանակ»-ին հայտնեցին Ներքին գործերի նախարարությունից: 

Դեպքի առնչությամբ քննություն է իրականացվում:

Ավելի վաղ հայտնել էինք, որ օգոստոսի 8-ին՝ ժամը 23։55-ի սահմաններում, «Աստղիկ» բժշկական կենտրոնից ՀՀ ներքին գործերի նախարարության օպերատիվ կառավարման կենտրոն ահազանգ է ստացվել, որ «Զվարթնոց» օդանավակայանից շտապօգնության բժիշկների հերթապահ խումբը մահացած վիճակում իրենց մոտ է տեղափոխել մի քաղաքացու:

Մահացածը Բրազիլիայի քաղաքացի 30-ամյա Առաուջոլիմա Լուկասինն է եղել: