Հայաստանյան պատվիրակությունն առաջարկել է, որ ՄԱԿ-ի Շրջակա միջավայրի ծրագիրը ՀՀ-ում գրասենյակ ունենա
Քենիայի Հանրապետություն գործուղված ՀՀ շրջակա միջավայրի նախարարի տեղակալ Աննա Մազմանյանը հանդիպել է ՄԱԿ-ի Շրջակա միջավայրի ծրագրի ղեկավարի տեղակալ Սոնյա Լեյթհոն -Քոնեին: Այս մասին տեղեկացնում է նախարարության ֆեյսբուքյան էջը:
Տիկին Սոնյա-Լեյթհոն-Քոնեի հետ հանդիպման ընթացքում քննարկվել են շրջակա միջավայրի ոլորտում փոխադարձ հետաքրքրություն ներկայացնող մի շարք հարցեր:
Հայաստանյան պատվիրակությունն առաջարկել է, որ ՄԱԿ-ի Շրջակա միջավայրի ծրագիրը Հայաստանում գրասենյակ ունենա: Դա կօգնի առավել սերտ ու արդյունավետ համագործակցել և ոլորտում առկա խնդիրներին լուծումներ գտնել:
Կողմերը քննարկել են կոշտ թափոնների կառավարման և աղբի տեսակավորման խնդրի վերաբերյալ պետական քաղաքականությունն ու այդ համտեքստում հնարավոր միջազգային համագործակցությունը:
Նախարարի տեղակալն իր խոսքում շեշտել է, որ բնապահպանական խնդիրներրը սահմաններ չեն ճանաչում: Թե´ ազգային, թե´ միջազգային մակարդակում պետք է համախմբել բոլոր ջանքերը և լիարժեք իրացնել խնդիրների լուծմանն ուղղված բոլոր հնարավորությունները:
Կարծիքներ