Արցախում ավտովթարի հետևանքով 22-ամյա երիտասարդ է մահացել

2021թ. դեկտեմբերի 27-ին՝ ժամը 20:00-ի սահմաններում, Մարտակերտի շրջանի Հարությունագոմեր համայնքի 1999թ. ծնված Երեմ Աբրահամյանը, վարելով իրեն պատկանող «Տոյոտա Պրադո» մակնիշի ավտոմեքենան, ԱՀ Մարտակերտի շրջանի Գետավան-Հարությունագոմեր ավտոճանապարհի 2-րդ կիլոմետր հատվածում կորցրել է ավտոմեքենայի կառավարումը և դուրս գալով ճանապարհի երթևեկելի գոտուց բախվել արգելապատնեշին:

Արցախի քննչական կոմիտեից հաղորդում են, որ ստացած մարմնական վնասվածքներից վերջինս տեղում մահացել է, իսկ ուղևոր 2001թ. ծնված Ռ.Մ.-ն ստացած տարբեր աստիճանի մարմնական վնասվածքներով տեղափոխվել է բուժհաստատություն:

Դեպքի վայր է մեկնել ԱՀ ՔԿ տարածքային քննչական վարչության Մարտակերտի շրջանի քննչական բաժնի ավագ քննիչը:

Իրականացվում են անհետաձգելի քննչական և դատավարական գործողություններ դեպքի բոլոր հանգամանքները պարզելու ուղղությամբ:

Դեպքի առթիվ ԱՀ ՔԿ ՏՔՎ Մարտակերտի շրջանի քննչական բաժնում ԱՀ քրեական օրենսգրքի 253-րդ հոդվածի 2-րդ մասով հարուցված քրեական գործի նախաքննությունը շարունակվում է: